انا اليوم جايب لكم قصيده للشاعر المفضل :محمد الخضير قصيده عن نصره الرسول صلى الله عليه وسلم.. وعطوني رايكم. سميت باسم اللي حفـظ ديـن الاسـلام ماغيره أحـدٍ{ن} حافـظ الديـن كلـه أرسـل رسـول الخيـر سيـد للآنـام محمـد المعصـوم عـن كـل زلــه أطفـى ظـلام الجاهليـه بالأحـكـام وشعشـع بشـرع الله نفـوس مغـلـه وساوى مابين أهل العرب وأهل الاعجام الــرب واحــد والـعـبـادات لله الفـرق بالتقـوى وهـو ذاك مخصـام وغيـره مخلـى متـركٍ{ن} مافطِلِّـه وهاجر معه صحبه من النـاس بأقسـام أحدٍ{ن} مشى وأحدٍ{ن} بقى في محلـه وخلـى ديـاره مكـره ملـزم إلـزام أرضـه ووحـي الـرب فيهـا نزلِّـه وجاء للمدينه وإلتقـى بأفضـل أقـوام أقوام تِفدى بـه وهـي منـوةٍ{ن} لِّـه وحارب يهود الغدر بالرمـح واحسـام والغدر مـن عاداتهـا وعـادةٍ{ن} لَّـه واليـوم يكثـر بالصحافـه والارسـام سب الرسول وسـب مـن هـو يجلِّـه مانقبـل الصـوره بتشويـه رســام وسبٍ{ن} كثيـر مكتَّـبٍ{ن} بالمجلـه لين أظهروا للمجتمـع كـره الإسـلام وزود الكراهـه زود الطـيـن بـلِّـه والله يمهلهـم علـى طـول الأيــام حتـى يجـي حكمـه بوقتـه وحـلِّـه ترى المصايب تنفرج وقـت اللإحكـام الجرح ينزف والدعاء رجـوةٍ{ن} لِّـه أبغـى اتوجـه مكـه بنيـة إحــرام وادعي علـى ذيـك الديـار ومحلَّـه جعل المرض ينزل بها أعوام وأعـوام فقر{ن}ٍ وعيشـة خـزي فيهـا مذلَّـه ومانيب لايم مِن هُـو اليـوم منضـام يحس وسـط القلـب جمـر{ن}ٍ وملِّـه
10-04-2008, 03:57 AM
