تعالي واطعني قلبٍ يحبك ماعليك خلاف!!

تعالي واجرحي شخصٍ حزينٍ ساهرٍ ليله

تعالي وازرعي فيه الليال السود محدن شاف

تعالي لعنبو برقٍ يشعّ ولايجي سيله

تعالي مابقى فيني سوى همّ.. وألم.. واجحاف

تعالي والفرح عنّي تخلّى مسرجٍ خيله

تعالي كمّلي طعن التجافي في زمانٍ طاف

تعالي وإلحقي ويلة جفاك بهالحشا ويله

تعبت ولا بقى فيني معاذير وهوى وانصاف

تعبت من الغرام اللي يدوس الصدق ويزيله

شكيت من الهوى همّي شكيت من الهوى للقاف

شكيت لدفتري خلٍ يجيني غدر واوفيله

دخلت الحب مثل اللي دخل بالمعركه ماخاف

دخل بالمعركه شامخ شجاع وفازت (الحيله)

دخلت الحب مثل اللي خفوقه مرهفٍ شفّاف

صدوقٍ صادقٍ بأصدق محبه سابق جيله

لقى حظٍ ردي وايضا لقى كل السنين عجاف

لقى وقتٍ على الذله سطيّ وهدّ له حيله

الايالعنبو جد المحبه كانها تنعاف

مدام ان الغلا برقٍ يشع ولا يجي سيله

فهد العتيبي
بوح ولا اروووع اتشرف بنقش بعض بعثرتي على صفحاتك الماسيه ..

ربي يعطيك ع جهودك ... وبورك قلم الابداااع المتلق دائماً ..


تقبل مني ارق واعذب التحااااياااا
ملكي الدلع

اللــه يعافيــج
وازدانت الصفحه تعطير وتنـوير

بتواجدج قبل ردج

ودمتي بود

يعطيك العافيه
على الكلمات الرائعه

تقبل مروري
دمت بود

اللــه

يعافيكـ

ومنــور
بتواجدكـ
قبل ردكـ